Headline :

आखिर को हुन यि ब्याक्ती रु जसलार्इ अख्तियारले पनि कार्वाही गर्न सकेन

uniquefm-img

काठमाण्डौं १४ फागुन । मुलुकमा एकजना यस्ता जब्बर व्यक्ति छन्, जो मुलुकको इन्धन आयात, बिक्री–वितरणको ठेक्का लिएर बसेका छन् । ती व्यक्ति हुन् – नेपाल आयल निगमका प्रवन्ध निर्देशक गोपालबहादुर खड्का । भारतको नाकाबन्दी खलेपछि सहज रुपमा इन्धन आयात भइरहेको छ । तर, खड्का र उनको मातहतमा रहेको टोलीले मुलुकको कुनै पनि निकायलाई ‘टेर पुच्छर’ लगायका छैनन् । अख्तियार दुरुपयोग अनुसन्धान आयोगले कारवाहीको दायरमा ल्याएको छ ।

आपूर्ति मन्त्री गणेशमान पुनसमेत खड्काको काम कारवाहीप्रति सन्तुष्ट छैनन् । अख्तियारले पटक–पटक इन्धन आयात, बिक्री–वितरण सहज बनाउन निर्देशन दिएको छ । मोटो फाइल बोकेर खड्का र उनको मातहतको टोली अख्तियार पुग्छ, कालो चिया पिउँछ, सामान्य बयान दिन्छ र फर्कन्छ । तर बजारको हालत फेरि पनि उस्तै नै रहन्छ ।

आपूर्ति मन्त्री पुन सिंहदरबारमा पत्रकार सम्मेलन गर्छन् र भन्छन् – एकाध दिनमा इन्धन वितरण सहज हुन्छ । तर अवस्था जस्ताको तस्तै रहन्छ ।खड्काले सेटिङ गरेको कालोबजारी संयन्त्रका कारण बजारमा इन्धनको अभाव उस्तै रहेको तथ्य सार्वजनिक भइरहेको छ । तर, अख्तियारसमेत खड्कालाई कारवाही गर्न सक्दैन । आपूर्ति सचिवको नेतृत्वमा रहेको निगम सञ्चालक समितिले समेत खड्कालाई कुनै कारवाही गर्न सक्दैन । अवस्था जस्ताको तस्तै रहेको छ ।

हाल विरगन्ज नाकाबाट दैनिक २० लाख लिटर इन्धन आयात भइरहेको छ । सामान्य अवस्थामा सो नाकाबाट २६ लाख लिटर इन्धन आयात हुनुपर्छ । कूल मागको ७० प्रतिशत मात्रै इन्धन आयात भइरहेको बताएर निगम र त्यसका प्रमुख खड्काले कालोबजारीलाई संस्थागत गरेका छन् । तर कारवाही गर्ने निकाय ‘तंै चुप मैं’ चुपको अवस्थामा रहनुले मुलुकमा कानुनी शासन र कानुनी राज्य अन्त्य भएको सहजै अनुमान गर्न सकिन्छ ।

यही फागुन ९ गते पनि अख्तियारमा खड्का र उनको मातहतको टोली बयानका लागि पुगेको थियो । तर, सदाजस्तै सो टोलीले यस्तै जवाफ दियो र फर्कियो, दुई दिन भित्र बजार सुधार गर्छु भन्ने प्रतिवद्धता व्यक्त गरेर । तर पनि हालसम्म अवस्था उस्तै छ ।अन्तर्राष्ट्रिय बजारअनुसार हाल इन्धनको मूल्य उल्लेख्य मात्रामा घट्नुपर्ने थियो , तर भारततिर नै इन्धन जान्छ भनेर निगमले मूल्य घटाउन मानेको छैन ।

कूल रु ३६ अर्ब ऋणमा रहेको निगमले तिर्न बाँकी रु १२ अर्ब मात्रै छ । सो रकम पनि सरकारसँग लिएको रकम हो । हालसम्म उपभोक्ता ठगेको रकम मात्रै हिसाब गर्ने हो भने आज निगम पूर्ण रुपमा नाफामा छ । तर निगम प्रमुख खड्का निगम अझै पनि घाटामा रहेको भन्दै निगमका कर्मचारीलाई बोनस बाँड्ने तयारीमा रहेका छन् ।

निगमको केन्द्रीय कार्यालय बबरमहलमा बसेर आपूर्ति मन्त्री गणेशमान पुनलाई गाली गर्दै, उनको खिसी ट्यूरी गर्दै बस्नु उनको दैनिकी बनेको छ । कालोबजारीलाई संस्थागत गर्न खड्काले होटल हिमालयमा स्वीट रुम नै भाडामा लिएका छन् । कालोबजारका मतियारलाई सोही होटलमा बोलाएर उनले धन्दा चलाउने गरेको स्रोतको दाबी छ ।

तर, आपूर्ति मन्त्री पुन खड्कालाई कुनै कारवाही गर्ने हिम्मत राख्दैनन्, बरु देखेको नदेख्यै गर्छन् भन्छन् – आयात नै कम छ ।‘अख्तिायर पनि दुई दिनभित्र यसो गनू भनेर निर्देशन दिन्छ र २० दिन जति कानमा तेल हालेर बस्छ,’ इन्धनको हैरानी व्योहोरेका बालाजुका एक उपभोक्ता गुनासो गर्छन् ।

थानकोट डिपोमा इन्धन राख्ने ठाँउ छैन, पेट्रोल पम्पले इन्धन पाएका छैनन् । तर खड्का र मातहतका अधिकारी सहज आपूर्ति नभएको गनगन गर्नमा व्यस्त छन् । स्रोतकाअनुसार, पम्पलाई सामान्यतया ८ हजार लिटर दिइएको इन्धनमा ५ हजार मात्रै बेच्ने र अरु कालोबजारी गर्ने गरिएको छ । कालोबजारीबाट प्राप्त हुने रकम सोझै खड्काको खातामा जाने गरेको छ । आजको जनआह्वान साप्ताहिकमा खबर छ ।
 

ताजा समाचार

More

On Air

NEPALI FILMY SONGS Upto 3:00 PM

Coming Up Next

NEPAL KHABAR Upto 3:10 PM

स्थानिय

More

प्रेस सेन्टर रुकुमको अध्यक्षमा खड्का

रुकुम १५, साउन ः प्रेस सेन्टर नेपाल जिल्ला समिति रुकुमको चौथो जिल्ला सम्मेलन सम्पन्न भएको छ । मेगराज खड्काको अध्यक्षतामा २१ सदस्यीय जिल्ला समिति सर्वसम्मत चयन गर्दै सदरमुकाम खलंगा

विपि जयन्तीमा रुकुममा विविध कार्यक्रम एमाले र माओवादी केन्द्र परित्याग गरी काँग्रेस प्रवेश

नेपालका प्रथम जननिर्वाचित प्रधानमन्त्री जननायक विश्वेश्वर प्रुाद कोइरालाको स्मृति दिवसको अवसरमा रुकुममा विविध कार्उक्रम आयोजना गरी सम्पन्न गरिएको छ । सदरमुकाम खलंगामा स्थित बराह

लायन्स ल्कब अफ मुसिकोट द्धारा रक्तदान

रुकुम विश्व रक्तदाता दिवशको अवसरमा लायन्स ल्कब अफ मुसिकोट रुकुमले रक्तदान कार्यक्रम सम्पन्न गरेको छ । लायन्स ल्कब अफ मुसिकोटका अध्यक्ष नवीन खडका,सचिब शिवराम खडका,कोषाध्यक्ष प्रेम के.सी,मेम्बरसिप डाईरेक्टर सन्तोष थापा,मनोज महतारा लगायत सातजना पदाधिकारी तथा सदस्यहरुले नेपाल रेडक्रस सोसाईटी जिल्ला

Like us on Facebook

Contact Us

Unique FM 97.6 MHz

Musikot-01,Rukum
Phone: 088530307
Email: info@uniquefm.com.np
Web: www.uniquefm.com.np

go to top